nadal 2018 nigran

Cidade Ciencia organiza unha cata de chocolates en Nigrán

investigadoras do Instituto de Ciencia e Tecnoloxía dos Alimentos e Nutrición ( ICTAN) do CSIC desenvolverán dúas actividades que terán ao chocolate como protagonista e que se desenvolverán baixo nome de «O chocolate, un pracer saudable con condicións». As investigadoras explicarán todo o relacionado co cocholate e as falsas crenzas ao redor deste alimento. 

O 12 de decembro celebrarase unha sesión, ás 19:00 horas para público xeral no Auditorio Municipal de Nigrán (necesario inscrición previa en: Este enderezo de correo está a ser protexido dos robots de correo lixo. Precisa activar o JavaScript para velo.. Máximo 80 persoas). Ao día seguinte, as sesións serán ás 10.00 horas para os alumnos e alumnas do CEIP de Mallón, centro educativo que tamén solicitou a actividade.

cata chocolates 02

Aínda que millóns de persoas en todo o mundo consomen chocolate a diario, a maioría descoñece que este produto é valioso grazas ao cacao, o seu ingrediente principal. O descubrimento recente de que o cacao é rico en compostos como os polifenoles (con propiedades antioxidantes e anti- inflamatorias) estimulou a investigación dos seus efectos beneficiosos sobre a saúde. Pero, é o mesmo o chocolate que o cacao? Esa será unha das moitas preguntas ás que se dea resposta neste obradoiro. 

cata chocolates 03

Durante a actividade repasarase a historia do cacao (foi o botánico Linneo quen clasificou a súa planta en 1741 e o seu proceso de transformación en chocolate). Tamén se explicará cales dos seus compoñentes poden ter un efecto beneficioso para o organismo segundo as evidencias científicas. “Todas as investigacións realizadas confirmaron que o cacao achega unha gran cantidade de compostos con propiedades cardioprotectoras e, por tanto, a súa inxesta pode axudar a protexer a nosa saúde cardiovascular”, aclara María Ángeles Martín, investigadora do ICTAN.

cata chocolates 04

A parte práctica do taller consistirá nunha cata de chocolates á que están convidados todos os asistentes. As investigadoras ensinaranlles a degustar cos cinco sentidos distintos tipos de chocolates e a apreciar a calidade de cada un deles polo seu aroma, tacto, sabor, aspecto e son ao partir as onzas.

Cidade Ciencia (www.ciudadciencia.es), é un proxecto de divulgación científica cuxo fin é que os habitantes de localidades españolas coñezan de primeira man a actualidade científica e tecnolóxica. Nigrán é o segundo municipio galego que forma parte de Cidade Ciencia, xunto con Cangas do Morrazo.