A 'Guía de espazos públicos e mobilidade amable' da Deputación, "modelo exportable"

A Deputación de Pontevedra deixou hoxe pegada nos máis de medio milleiro de participantes do V Encontro de Cidades organizado pola Dirección Xeral de Tráfico e a FEMP en Málaga para falar dunha ‘Nova mobilidade urbana’. Alí, o deputado Uxío Benítez entregou a ‘Guía de espazos públicos e mobilidade amable’ realiza pola institución provincial ao director xeral da DXT Pere Navarro, e explicou o traballo realizado na provincia de Pontevedra para dar prioridade ás persoas nas vías provinciais e nos espazos públicos ante unha audiencia que aplaudiu o modelo pontevedrés.

Tomiño e Cerveira salientan o papel dun territorio común coma factor de atracción turística

Borrar a noción de fronteira entre Galiza e Portugal, ofrecendo o Territorio Río Miño coma un produto único, resultará estratéxico á hora de atraer turistas. Nesta idea base coincidiron tanto os alcaldes de Cerveira e Tomiño (Fernando Nogueira e Sandra González, respectivamente), coma o director da AECT Río Miño (Agrupación Europea de Cooperación Territorial do Río Miño), Uxío Benítez, durante a inauguración das xornadas “O turismo no contexto transfronteirizo Cerveira-Tomiño”, celebradas hoxe no Castelo de Vila Nova de Cerveira.

  • Publicado en Tomiño

O 'Anel Verde' do Miño medra cunha nova actuación na Guarda

O convenio de colaboración asinado hoxe para o acondicionamento da praia do Muíño, na Guarda, porta do espazo natural protexido do Esteiro do río Miño e enmarcada dentro do proxecto Visit Rio Minho, consolida un novo treito do denominado 'Anel Verde' do río transfronteirizo formado por rutas galego-portuguesas, un dos maiores atractivos do sur da provincia. Esta actuación é especialmente importante á hora de recuperar un espazo natural de altísimo valor tanto turístico coma medioambiental.

  • Publicado en A Guarda

Ponteareas podería contar cunha avenida que conectase a estrada das Neves e a N-120

A Deputación de Pontevedra presentou en Ponteareas o proxecto para construír unha nova avenida que unirá a estrada provincial Ponteareas-As Neves coa N-120. Esta nova estrada, segundo explicou o deputado de Mobilidade Uxío Benítez, permitirá eliminar o tráfico de paso da vila, mellorar a mobilidade peonil e ciclista, e recuperar o espazo público do centro urbano para as persoas.

A Deputación construirá un muro de contención na rúa Mon y Landa de Crecente

O departamento de Mobilidade da Deputación de Pontevedra vai construír un novo muro de contención na rúa Mon y Landa do Concello de Crecente para estabilizar un noiro e evitar o esvaramento da calzada nun treito duns cen metros de lonxitude na estrada provincial EP-5005 Cañiza-Pousa. O deputado Uxío Benítez explica que as obras consistirán na construción dun novo terraplén e dun muro de escollera que permitirán conter as terras nas que se asenta a vía garantir o tránsito de vehículos e de peóns con seguranza viaria.

  • Publicado en Crecente

As estradas provinciais precisaron de medio milleiro de actuacións de emerxencia no 2018

As brigadas de conservación e mantemento da mobilidade na rede de estradas provinciais realizaron ao longo do ano 2018 un total de 478 actuacións de emerxencia, unha cifra máis baixa que a dos tres anteriores exercicios debido á redución das incidencias por causas meteorolóxicas. As borrascas, de menor intensidade, crearon menos complicacións e non foi preciso facer tantas saídas por asolagamentos, retirada de árbores, nevadas ou inundacións o que motivou, segundo confirmou o deputado responsable do departamento de Mobilidade, Uxío Benítez, que as actuacións por accidentes de tráfico volveran ser as máis numerosas.

Carmela Silva cualifica de "históricos" os investimentos da Deputación no Baixo Miño

A presidenta da Deputación de Pontevedra, Carmela Silva, deu a coñecer onte nunha comparecencia de prensa no Mercado de Tomiño, os investimentos realizados pola administración provincial na Comarca do Baixo Miño. Na súa comparecencia, a presidenta da Deputación estivo acompañada pola alcaldesa de Tomiño, Sandra González, pola deputada de Emprego e concelleira na Guarda, Montserrat Magallanes e polo deputado de Mobilidade e concelleiro de Tomiño, Uxío Benítez.

A Deputación rehabilitará a antiga ponte das Achas na Cañiza

A Deputación de Pontevedra vai rehabilitar a antiga Ponte das Achas en A Cañiza. Así o confirmou hoxe o deputado de Mobilidade Uxío Benítez, quen manifestou que o departamento que dirixe xa ten en marcha a contratación dun proxecto para recuperar e poñer en valor da toda a contorna do vello viaduto agora que está en desuso trala construción da nova ponte sobre o río Deva.

Suscribirse a este canal RSS