Nigrán acolle, dende o luns, a mostra 'Achegas das mulleres á sustentabilidade do mar'

O salón de plenos do concello de Nigrán acollerá este luns, ás 12.00 horas, a inauguración da exposición da Deputación 'Achegas das Mulleres á sustentabilidade do mar'. Trátase dunha mostra promovida pola institución provincial, en colaboración coa Universidade de Vigo, co obxectivo de darlle visibilidade ao papel da muller no ámbito mariño. Poderá visitarse de luns a venres, de 9:00 h a 15:00 horas, dende este luns ata o martes 26 de febreiro.

  • Publicado en Nigrán

Salceda aproba o 'I Plan de Mobilidade Sustentable' da provincia de Pontevedra

O Pleno da Corporación do Concello de Salceda aprobou o I Plan de Mobilidade Sustentable cos votos a favor de Movemento Salceda e o PSOE e a abstención do PP. O PMUS redactouse co apoio da Deputación de Pontevedra, que fará unha aportación de 15.000 €, dos 19.965 € que custa o proxecto. Aínda que o documento podía ser aprobado directamente por Decreto de Alcaldía, o Equipo de Goberno considerou importante sometelo á votación do Pleno, para que fose un documento abalado pola totalidade da Corporación Municipal.

«Vigo Sea Fest», Carmela Silva subliña a "aposta do empresariado pola sustentabilidade do mar"

A Presidenta da Deputación de Pontevedra, Carmela Silva, subliñou hoxe na presentación do «Vigo Sea Fest» a aposta pola sustentabilidade do mar e o concepto de igualdade en todas as actividades que van desenvolverse dende o próximo xoves. Silva asegurou que os “vigueses e viguesas non poden perderse unha festa vinculada ao produto estrela da pesca na cidade que é capital da pesca en Europa”.

Salceda abre á participación veciñal o Plan de Mobilidade Sustentable

A veciñanza de Salceda, poderá expresar a súa opinión sobre o I Plan de Mobilidade Sustentable, a través dunha enquisa anónima, vía internet, na que poderán expresar as súas inquedanzas e reflectir as súas propostas como residentes. A enquisa forma parte do proceso de elaboración deste Plan, logo das xuntanzas mantidas con colectivos, asociacións e partidios políticos.

Unha vintena de asociacións, nas primeiras mesas do Plan de Mobilidade Sustentable de Salceda

Dentro proceso de elaboración do «I Plan de Mobilidade Sustentable de Salceda de Caselas», vén de celebrarse a primeira xornada de participación para os colectivos na Casa da Cultura, xornada que comezou coas xuntanzas que mantivo a empresa redactora do Plan cos grupos políticos da oposición, PP e PSOE, para continuar con tres quedas con representantes veciñais, unha de mañán e duas de tarde.

Redondela aposta pola sustentabilidade e entrega 90 composteiros

O Concello de Redondela convocou aos 91 veciños e veciñas de todas as parroquias que estaban inscritos e interesados en facer compostaxe nas súas vivendas cos restos de orgánico que a diario se acumulan nos fogares para facerlles entrega dos composteiros e participar nunha charla explicativa sobre como facer compost, que cousas se deben e non se deben botar nun compostero, como se debe proceder para sacar un compos de calidade, localización máis adecuada e unha longa lista de consellos sobre esta actividade.

Digna Rivas inaugura “Sustentabilidade en feminino: achegas das mulleres á sustentabilidade do mar”

A exposición «Sustentabilidade en feminino: achegas das mulleres á sustentabilidade do mar», impulsada pola Deputación de Pontevedra e a Universidade de Vigo, chega ao Campus de Ourense. Así, desde hoxe e ata o vindeiro 12 de marzo, as persoas interesadas en coñecer a participación e o papel da muller no mundo do mar poderán visitar a mostra no Edificio de Ferro do Campus de Ourense da Universidade de Vigo.

Suscribirse a este canal RSS