Caballero acompañará a Verónica Tourón na súa presentación como candidata do PSOE de Salceda

O secretario xeral do PSdeG-PSOE, Gonzalo Caballero, participará no acto de presentación da candidata socialista á alcaldía de Salceda de Caselas, Verónica Tourón, acto que terá lugar este vindeiro domingo, 17 de febreiro ás 18 horas no Auditorio Municipal.

Verónica Tourón, que acadou o apoio unánime da Asemblea Local celebrada o mes de xaneiro para encabezar a candidatura socialista, estará acompañada tamén polo secretario provincial do PSOE, David Regadas e a presidenta da Deputación de Pontevedra, Carmela Silva.

Salceda abre a inscrición para o desfile de Carrozas e Comparsas de Entroido

O Concello de Salceda de Caselas, a través da Concellaría e Festas que dirixe Teresa Pérez, ven de abrir o prazo de inscrición para a participación no XXI Desfile de Carrozas e Comparsas que se celebrará no municipio o domingo 3 de marzo de 2019. Durante esta semana serán as agrupacións pertencentes a Salceda as que poidan formalizar a súa solicitude de participación no desfile, e na semana do 18 ao 24 será o turno para as agrupacións de outros municipios, que poderán ocupar as prazas restantes por orde de solicitude.

Escolares do CEP Altamira de Salceda, implícanse na compostaxe

O CEP Altamira de Salceda de Caselas está decidido a ter alumnos e alumnas expertos en compostaxe. Na xornada de onte e o vindeiro día 14 deste mes escolares de 6º de Primaria recibirán varias charlas informativas sobre como é o proceso polo que se produce o compost e tamén cales son os seus usos para fertilizar as prantas e o solo dos montes e dos xardíns.

Salceda aproba o seu inventario de bens por valor de 26 millóns de euros

O Pleno da Corporación de Salceda de Caselas aprobou, cos votos a favor de MS e PSOE e en contra do PP, o Inventario Municipal de Bens, que lle recoñece propiedades ao Concello por un valor de 25.960.825,95 €. O documento, sinala o alcalde de Salceda, Marcos Besada, "resulta fundamental para a correcta xestión do patrimonio público" O documento certifica a existencia de 1.222 bens inmobles, 3 dereitos reais, 19 mobles especiais, 18 vehículos e 1.234 obxectos de mobiliario, que se procederán a inscribir no Rexistro da Propiedade.

Salceda aproba o 'I Plan de Mobilidade Sustentable' da provincia de Pontevedra

O Pleno da Corporación do Concello de Salceda aprobou o I Plan de Mobilidade Sustentable cos votos a favor de Movemento Salceda e o PSOE e a abstención do PP. O PMUS redactouse co apoio da Deputación de Pontevedra, que fará unha aportación de 15.000 €, dos 19.965 € que custa o proxecto. Aínda que o documento podía ser aprobado directamente por Decreto de Alcaldía, o Equipo de Goberno considerou importante sometelo á votación do Pleno, para que fose un documento abalado pola totalidade da Corporación Municipal.

O PP de Salceda afirma que o Goberno local "sobrevive" con contas "ficticias"

O PP de Salceda de Caselas acusou ao Goberno local de Salceda de "deixamento" na xestión económica e asegurou que "sobrevive" cuns orzamentos prorrogados dende 2016 desatendendo "os requirimentos do Consello de Contas para que renda contas do exercicio 2017". O feito de non presentar as contas municipais no prazo permitido polo Consello impide, segundo o portavoz popular Santiago Rodríguez Davila, que o Concello poida acceder ás liñas de subvención da Xunta de Galicia.

Os colexios de Salceda traballarán a igualdade e a mediación

O CEP Altamira acolleu a presentación dos proxectos de educación emocional en igualdade e mediación que se van levar a cabo tanto no CRA Raíña Aragonta como no propio CEP Altamira. No acto participaron representantes das ANPAS e dos equipos directivos dos dous centros, representantes de ACROFAM, entidade encargada de levar a cabo os proxectos, e a Concelleira de Educación e o Alcalde de Salceda, Tere Pérez e Marcos Besada.

A tradición oral de Salceda de Caselas, recollida nun libro-CD

A Praza do Concello de Salceda de Caselas acolleu, o pasado sábado, a presentación do libro-CD 'A tradición oral de Salceda de Caselas', de Xosé Ramón Paz Antón, e publicado pola Deputación de Pontevedra. No acto estiveron participaron o autor, o deputado de Cultura Xosé Leal; a concelleira de Cultura Tere Pérez e o alcalde Marcos Besada, ademáis de diferentes grupos de gaitas de Salceda de Caselas, que deron boa mostra da enorme riqueza coa que conta o municipio no que a música tradicional se refire.

Suscribirse a este canal RSS