Escolares do CEP Altamira de Salceda, implícanse na compostaxe

O CEP Altamira de Salceda de Caselas está decidido a ter alumnos e alumnas expertos en compostaxe. Na xornada de onte e o vindeiro día 14 deste mes escolares de 6º de Primaria recibirán varias charlas informativas sobre como é o proceso polo que se produce o compost e tamén cales son os seus usos para fertilizar as prantas e o solo dos montes e dos xardíns.

O Plan Revitaliza reparte media tonelada de compost entre a veciñanza de Mondariz

Persoal técnico e mestras e mestres composteiros do Plan Revitaliza da Deputación de Pontevedra instalaron hoxe unha carpa informativa na Praza de España de Mondariz e repartiron preto de media tonelada de compost producido no centro de compostaxe comunitaria situado na Praza da Ovella para dar a coñecer as vantaxes da compostaxe entre a veciñanza. O centro de compostaxe comunitaria do que se obtivo o compost dá servizo aos edificios da rúa Rampa de Merouces, a carón do Concello, dende o 25 de febreiro deste ano.

Novo reparto de compost en Salceda de Caselas

O parque Raíña Aragonta de Salceda de Caselas acolleu este martes 18 de setembro, un novo reparto de compost que tivo lugar nunha carpa que se instalará para este fin. Veciñas e veciños achegáronse entre as 16:30 h e as 19:30 horas para recoller o compost que se está a producir nos catro centros de compostaxe comunitario que hai instalados no concello.

Novos composteiros da Deputación para Mondariz e Mondariz Balneario

A Deputación de Pontevedra procedeu o pasado venres e onte sábado, ao reparto de novos composteiros individuais nos nos concellos de Mondariz e Mondariz Balneario, iniciativa que se desenvolvía ao abeiro do «Plan Revitaliza» co obxectivo de que toda a veciñanza dos dous municipios poida tratar os seus restos orgánicos (residuos de cociña e de xardín) mediante a compostaxe antes de finais de ano.

Mondariz, un dos primeiros concellos en aplicar a compostaxe para a xestión do lixo

A veciñanza de Mondariz respondeu con éxito ao primeiro reparto de composteiros individuais do Plan Revitaliza da Deputación de Pontevedra. Na mañá de hoxe entregáronse 60 composteiros a outras tantas familias da vila, que os instalarán nas súas fincas para tratar os seus biorresiduos «in situ» en lugar de botalos no colector verde e contribuír así ao novo modelo de xestión de residuos que pretende implantar o Concello.

A escola, un dos puntais do «Plan Revitaliza» de compostaxe

A escola, nenos e nenas e xente moza son un dos puntais do «Plan Revitaliza» de compostaxe da Deputación de Pontevedra. Así o manifestaron hoxe a presidenta Carmela Silva e o vicepresidente César Mosquera na inauguración do II Congreso de Educación Ambiental sobre compostaxe para centros de ensino de Pontevedra que se celebrou esta mañá no Pazo da Cultura de Pontevedra e que reúne a máis de 350 escolares de Cambados, Vilaboa, Sanxenxo, Silleda, Pontevedra, Caldas e Gondomar. 

Compostaxe e Plan Revitaliza, protagonistas da «Semana da Ciencia» do Marcote-Cemar

A compostaxe e o Plan Revitaliza da Deputación de Pontevedra protagonizou a «Semana da Ciencia» organizada polo Colexio Internacional Marcote Cemar de Mondariz Balneario. Dende o martes e ata hoxe venres uns 120 alumnos e alumnas do centro escolar realizaron obradoiros, xogos, charlas e visitas ao centro de compostaxe comunitaria (CCC) instalado na rúa Ramón Peinador, a escasos metros da escola, para coñecer da necesidade de xestionar os residuos de modo sustentable e como é o proceso de tratamento do lixo orgánico a través da compostaxe.

Suscribirse a este canal RSS