O sábado día 16 de febreiro, ás 19 horas, a Biblioteca Pública Municipal «Xoán Xosé Pérez Labaca» de Mondariz, acollerá a presentación de tres libros dentro das actividades programadas polo Concello con motivo da apertura da «Sección de Igualdade», no centro bibliotecario. Desta volta serán tres as obras que se presentarán, todas incluídas dentro da ‘Colección Feminismo’ de Editorial Galaxia: Chámame señora, pero trátame coma a un señor de Inma López Silva; Feminicidio de Carme Adán e Ám@me de Cris Oliveira e Amada Traba.

Inma López Silva vén de inaugurar unha nova colección posta en marcha pola editorial Galaxia e denominada «Feminismos», na que se pretende dar cabida a ensaios e reflexións sobre a cuestión de xénero co obxectivo de aportar o seu gran de area á igualdade. Tres foron os títulos presentados de maneira simultánea para capitanear esta colección: «Am@me», de Chis Oliveira e Amada Traba; «Feminicidio», de Carme Adán; e o que hoxe traemos a este andel, «Chámame señora, pero trátame coma a un señor», de Inma López Silva que, a xeito de subtítulo, presenta unha frase bastante explicativa respecto do seu contido: «Memoria persoal do machismo na cultura».

A Concellería de Xuventude de Redondela vén de presentar a segunda edición do ‘Certame Viadutos de Novela’, na que poden participar todas as persoas interesadas sempre que sexan maiores de 18 anos. Ademais, como requisito indispensable, as obras presentadas deben estar escritas en galego. As bases do certame, dispoñibles na web do Concello, sinalan como características principais a orixinalidade da obra que se presente, posto que non se aceptarán aquelas que xa tiveran sido publicadas ou premiadas.

Esta semana voy a recomendar dos libros en los que, cada uno a su manera, se vive una segunda oportunidad: La casa de las olas y Las nueve revelaciones. Lottie vive con los Holden y con su casi hermana Celia, y a su manera es feliz con su nueva familia,aunque ella no se olvida que es una "recogida"y la gente del pueblo aunque no se lo diga lo nota con esa compasión en sus miradas...

O Pazo de Vilavella encheuse, no serán de hoxe, no acto de presentación do libro 'Oito olladas sobre a folga feminista do 8 de Marzo', unha asistencia masiva que era, ao mesmo tempo, unha clara resposta ao que se cualificou como "veto do alcalde Javier Bas" á que a Deputación puidera presentar este traballo literario nunha das salas baleiras do Multiúsos da Xunqueira. "Non hai posibilidade de poñer portas aos dereitos das persoas a ocupar o espazo público que non é patrimonio de ninguén. Iso fronte a quen cree cando goberna que é seu", aseguou a presidenta Carmela Silva.

'A beleza das letras', é a nova campaña de lectura promovida polo Servizo de Normalización Lingüística, en colaboración coa Asociación de Empresarios de Redondela, unha iniciativa que fará que os libros dedicados ás parroquias de Redondela estean presentes nos centros de beleza e estética de todo o municipio. 

«Os bicos feridos» é a primeira novela de Anna Figueirido e vén avalada polo recén creado 'Premio Viaductos', o que di moito e bo en favor da autora e tamén do premio. Trátase dunha historia moi apegada ao noso tempo e lixeiramente emparentada co realismo máxico por algúns dos elementos que aparecen nela, aínda que eu diría que se achega máis ao simbolismo puro e duro, dende unha perspectiva na que se nos amosa o desencanto que provoca na mocidade enfrontarse a un mundo que pouco ou nada se asemella ao que lle pintaron dende a infancia.

O pasado sábado día 26 de xaneiro de 2019 a Biblioteca Pública Municipal da Guarda organizou unha nova sesión de 'Contos contados' coa que se quería conmemorar o Día da Ilustración e o aniversario do nacemento de Castelao (que se celebra o 30 de xaneiro). Neste caso a actividade comezou ás 11:30 horas contando cunha gran afluencia de persoas, na súa meirande parte nenos e nenas de curta idade acompañados polos seus pais e familiares.