Edición especial do «Venres D_letras» para todos os cativos e cativas de Ponteareas

A concellería de Cultura, Turismo e Normalización Lingüística, que dirixe Hortensia Bautista, vén de convidar a todas as familias a participar nunha nova edición do “Venres D_letras” que vai dirixida aos máis cativos e cativas. Nesta edición especial vaise presentar o libro «Do dereito e do revés», dirixido ao público infantil e editado a iniciativa da Concellería de Cultura de Ponteareas coa finalidade de facilitar o achegamento aos máis pequenos e de xeito excepcional, adiantará o seu inicio ás 19:00 horas.

O Porriño, Concello Amigo da Infancia, presenta a programación «Vive a cultura urbana»

«Vive a Cultura Urbana», programa de ocio activo dirixido á mocedade que comezará o vindeiro venres 15 de marzo, “é un xeito de darlle máis dimensión ó feito de que Porriño fose nomeada ‘Cidade Amiga da Infancia’ por UNICEF” manifestou a alcaldesa Eva García de la Torre na rolda de prensa celebrada no Concello porriñés. “Queremos prestar máis atención á franxa de idade de nenos de más de 11 anos que entran na adolescencia, a fin de que dispoñan de opcións de lecer axeitadas e saudables”, sinalou a rexedora local.

Charlas para pais e nais en Redondela sobre seguridade en internet

O Concello de Redondela desenvolverá, o vindeiro día 14 de marzo, unha charla sobre a seguridade en internet e as redes sociais, dirixida fundamentalmente a nais e pais. A iniciativa responde a crecente demanda social sobre a formación específica de cara a afrontar a problematica que conleva o avance das novas tecnoloxías. 

Salvaterra amosa a infancia a importancia da muller na sociedade

O Concello de Salvaterra de Miño desenvolverá o día 8 de Marzo, Día Internacional da Muller, unha actividade especialmente dirixida aos nenos e nenas do municipio. A iniciativa, que terá lugar ás 17 horas na Praza do Concello, realizarase baixo o lema «Descubrindo as nosas precursoras a través do xogo». Trátase, sinala a tenente de alcalde Marta Valcárcel, "de visibilizar o importante papel que xogaron as mullers en diversos ámbitos da sociedade e que alguhnas veces quedou relegado a un segundo plano".

Baiona organiza unha Festa Infantil de Entroido no Pavillón de Deportes

 

A Concellería de Cultura do Concello de Baiona, organiza unha festa infantil especial de Entroido para os próximos días 5 e 6 de marzo de 2019. Serán dous días –Martes de Entroido e Mércores de Cinza– haberá unha chea de actividades lúdicas dirixidas aos máis cativos entre as 16 horas e as 20:30 horas.

  • Publicado en Baiona

Un colorido e orixinal «Desfile dos Coles» abriu o Entroido Guardés 2019

A Guarda deu a benvida ao Entroido 2019 este venres co «Desfile dos Coles» no que participaron a case totalidade dos Centros Educativos do municipio. Sobre as 12:00 h do mediodía comezaron a desfilar máis dun milleiro de alumnos e alumnas dos diferentes centros educativos dende a Alameda cos seus orixinais e coloridos disfraces, nos que destacaron as conmemoracións dos 125 anos do pintor Miró, as carballeiras, o 125 aniversario de Van Gogh, o 125 aniversario da fundación do C.O.I., encaixados, 50 anos na lúa ou o Cocido Galego e todo isto amenizado pola Charanga Cantos Somos.

Nigrán celebra o luns o Entroido Infantil no Auditorio Municipal

O Concello de Nigrán celebra este luns 4 de marzo o entroido infantil no Auditorio Municipal dende as 17:30 horas con actividades especiais para os nenos. Ao día seguinte, martes 5 de marzo, pola mañá o Auditorio acollerá o concurso que cada ano realizan conxuntamente os centros de día do Val Miñor e xa pola tarde (dende as 19:00 horas) realizarase un baile especial de entroido con música en directo, un fotomatón no que sacar divertidas fotos de balde e merenda a base de doces típicos da época. O Concello anima a acudir disfrazados a ambos eventos.

O sábado 9 será o concurso de comparsas e o domingo día 10 o Concello organiza por segundo ano consecutivo a excursión de maiores a Cuntis para festexar a 'Festa do Lacón' (é preciso inscrición previa).

O entroido finaliza o sábado 16 de marzo co tradicional enterro do kiko de Parada que, unha vez máis, partirá dende a Casa do Concello ás 18.00 horas tirado por un carro de bois para ser velado dende as 19:00 horas no Torreiro de Parada, actos que rematarán coa súa queima e o concerto do grupo Azar.

  • Publicado en Nigrán
Suscribirse a este canal RSS