9.3 C
Pontevedra
Xoves, 28 de Marzo de 2024
Máis
    HomeO CondadoPonteareasCultura 24 percorre diferentes parroquias do concello de Ponteareas

    Cultura 24 percorre diferentes parroquias do concello de Ponteareas

    A Concellería de Cultura, dentro do programa Cultura24, leva teatro e música a diferentes parroquias do concello para que toda a familia goce coas agrupacións de teatro e música do noso concello.

    Dentro deste programa, pensado para achegar actividades culturais e de lecer ás parroquias, nos vindeiros días están programados os seguintes actos. O domingo 30 de agosto a veciñanza de Xinzo poderá gozar ás 14 horas dun concerto da Banda Xuvenil de Xinzo. Pola tarde, a veciñanza de Moreira pode asistir á actuación da Charanga SDK que ofrecerá un variado repertorio de música popular.

    Con estas dúas actividades do programa Cultura24 finalizan as diferentes actuacións que se realizaron durante o mes de agosto en distintas parroquias.

    Fernando Groba, concelleiro de Cultura, convida a toda a cidadanía a participar nas actividades que dentro do programa Cultura24 se desenvolven por diferentes puntos do noso concello e que continuarán durante o mes de setembro.

    Todas estas actividades son totalmente de balde para o público e se realizan cumprindo co protocolo anti Covid para garantir a seguridade e a saúde do público asistente.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.