Porriño 2017

O Porriño

Porriño pecha marzo con 51 desempregados menos

Porriño pechou o pasado mes de marzo con 51 desempregados menos, volvendo rexistrar así un descenso do número de parados, que cae un 2,1% con respecto ao mes de febreiro. Segundo botan as cifras publicadas polo SEPE, a taxa de desemprego en Porriño sitúase no 15,86% cun total de 2.329 veciños en situación de desemprego. Así, nos últimos dous meses foron 163 as persoas que se deron de baixa como demandantes de emprego no noso municipio.

Libros e artesanía, protagonistas no Porriño

Tras o éxito das pasadas edicións, o Concello de Porriño a través da Concellaría de Cultura que dirixe Teresa Veloso, organiza por quinto ano consecutivo a Feira do Libro e a Artesanía de Porriño. Dende este xoves e ata o sábado, en horario ininterrompido de 10:00 a 20:00 horas, poderanse visitar máis dunha vintena de postos na zona peonil de Porriño nos que artesáns e libreiros expoñerán artigos para a súa venda. Obxectos artesanais como abelorios, artigos de coiro ou olaría, rosquillas e Cup-Cakes, discos de música, películas e, por suposto, libros de toda índole son algúns dos produtos nos próximos días inundarán o centro de Porriño.

Palco do Cristo, restauración e concerto

O Concello do Porriño deu por rematados os traballos de recuperación dunha das súas máis emblemáticas construcións como é o Palco da Música do Parque do Cristo. Agora, tralas obras de restauración, luce como nos seus mellores tempos e a Banda de Música Municipal do Porriño, para celebralo, ofrecerá un concerto o vindeiro domingo, 29 de marzo, a partir das 13 horas.

Clausura da exposición "Arte con Cerveza"

O alcalde do Porriño, Nelson Santos e a concelleira de Igualdade, Teresa Veloso, acompañaron onte a Virginia Vilar na clausura da súa exposición no Centro Cultural Municipal. No acto de clausura, fíxose entrega á AECC do Porriño do diñeiro recadado no sorteo da obra que a artista tiña doado como contribución á loita contra o cancro de mama, un sorteo no que o azar fixo que resultase gañador o alcalde, Nelson Santos que, a súa vez, doou o cadro novamente á asociación para que o poxe no vindeiro rastriño solidario.

O papel das mulleres na ciencia, protagonista en Porroemprego II

O Obradoiro de Emprego "Porremprego II", quixo sumarse á conmemoración do Día Internacional da Muller, organizando, en colaboración co Concello de Porriño, unha serie de actividades dirixidas a poñer en valor o papel da muller no ámbito científico e do coñecemento, que se desenvolveron esta mesma mañá no Multicentro de Torneiros.

Suscribirse a este canal RSS