Axentes da Policía Local do Porriño detiveron a S.P.R, de 19 anos de idade, acusado dun presunto delito de violencia machista e incumprimento da orde de afastamento da súa parella.  Curiosamente, nesa mesma actuación, os policías arrestaron tamén á muller, S.R.S, de 20 anos de idade quen, tentando evitar que a súa parella fose detida “agrediu a un dos axentes”. No mesmo lugar, atopáronse 10 doses de haxix preparadas para a súa venda ao por menor.

O Partido Popular do Porriño asegurou hoxe que, nos últimos anos, o Goberno Municipal "perdeu subvencións por valor de máis de 1 millón de euros", todas elas das áreas de Vías e Obras e Emprego, o que, segundo os populares, supón "un severo perxuizo para os veciños e veciñas do municipio". As últimas achegas perdidas, aseguran, "afectan directamente aos parques empresariais do Porriño, onde se perderon máis de 165.000 euros concedidos pola Xunta de Galicia para melloras infraestruturas viarias".

O Goberno local do Porriño levará ao Pleno da Corporación para a súa aprobación unha modificación orzamentaria cunha ampliación de 500.000 € no capítulo da Axuda Domiciliara Municipal que, coma salienta a alcaldesa, “pasaría de 300.000 € a 800.000 € este ano 2019”. Eva García de la Torre indica que este incremento estaría destinado a acabar coas listas de agarda, faría posible aumentar o número de horas de atención ás persoas que o precisan e afrontaría, tamén, a subida do Salario Mínimo Interprofesional (SMI) a 900 €, aprobada polo Goberno de España.