Mos

Victoria Alonso presenta o seu proxecto para rematar co "clientelismo do PP en Mos"

O multiusos de Pozas encheuse onte domingo para a presentación oficial da candidatura de Victoria Alonso para converterse "na alcaldesa que Mos se merece", contribuíndo así á vitoria socialista no partido xudicial de Vigo e na provincia de Pontevedra, tal e como asegurou o secretario xeral provincial, David Regades, un dos dirixentes do partido que arroupou á candidata na súa presentación.

O Club Xadrez Mos organiza o seu Torneo de Nadal

O Club Xadrez Mos organiza o seu tradicional JTorneo de Nadal» que se celebrará os próximos días 29 e 30 de decembro no Centro Dotacional de Torroso. A inscrición está aberta aos xogadores e xogadoras que estean en posesión da correspondente licenza federativa en vigor para a tempada 2018. O prazo de inscrición rematará o mércores 26 de decembro e o cupo máximo de participantes o establece a organización en 100 xogadores e xogadoras.

Os "fogóns da tolerancia" a pleno rendemento en Mos polo Día da Discapacidade

O Concello de Mos, a través das concellerías de Política Social, Educación e Participación Cidadá, que xestionan Sara Cebreiro, Camilo Augosto e Julia Loureiro, respectivamente, en colaboración con EVD Galicia, organizaron hoxe un obradoiro de elaboración de marmeladas para escolares do municipio para, dese xeito, conmemorar o Día Internacional das Persoas con Discapacidade que se celebraba hoxe día 3 de decembro.

Mos pecha o «III Programa Integrado de Emprego» cun 50% de inserción laboral

O delegado territorial da Xunta de Galicia en Vigo, Ignacio López-Chaves, acompañado pola alcaldesa de Mos, Nidia Arévalo, clausurou onte a terceira edición do Programa Integrado de Emprego, PIE Mos 3.0 que acadou unha porcentaxe de inserción laboral do 50%. A estes datos, máis que positivos, engádese o feito de que das 85 persoas participantes neste programa, o 89% (76 usuarios/as) traballou nalgún momento ao longo do mesmo. Algún deles asinou máis dun contrato.

Mos dalle continuidade á tradición dos callos na comarca da Louriña

A segunda Festa dos Callos de Mos, organizada pola Unión Deportiva Mos e que se celebrará este vindeiro domingo, 2 de decembro, presentouse esta mañá no Concello, nun acto presidido pola alcaldesa de Mos, Nidia Arévalo, acompañada por Pablo Alonso Serodio, presidente da U.D. Mos e Fernando Córdoba, xefe da unidade de Negocio do Grupo Coren.

Suscribirse a este canal RSS