Tui

Máis de 350 judokas daranse cita en Tui na Fase Sur de Judo

O novo pavillón municipal de deportes de Tui acollerá este sábado a primeira xornada da «Fase Sur de Judo alevín e infantil» organizada pola Federación Galega de Judo, a Secretaría Xeral para o Deporte e o Concello de Tui. O campionato ten un obxectivo pedagóxico xa que pretende que os máis pequenos se inicien neste deporte a través dunha competición baseada na estimulación e esforzo, promovendo valores de respecto e garantindo a seguridade na práctica do judo. Pretenden tamén fomentar a participación de todos os judokas galegos destas idades que practiquen regularmente este deporte.

Tui recupera un tractor para Obras e Limpeza logo de 10 anos en desuso

A concellería de Seguridade Cidadá, Fomento e Protección Civil do Concello de Tui, que dirixe Antonio Castro, deu conta da posta en funcionamento hai un días dun tractor Kubota, propiedade municipal, que levaba unha década parado nas instalacións municipais. O vehículo pasa a ser empregado xa polo Servizo de Obras e Limpeza nas súas tarefas tras cambiarlle as cubertas das rodas, e pasarlle a correspondente Inspección Técnica de Vehículo.

Tui inicia a redacción do Plan Director e Estratéxico de Turismo

Tui contará no prazo de dous meses e medio cun Plan Director e Estratéxico de Turismo que marcará un cronograma de actuación no período 2019-2022. Partindo da actual situación, que será analizada durante estas primeiras semanas, realizará unha análise da situación actual co perfil do visitante, a oferta, o mercado e os competidores, redactará un informe DAFO, establecerá os retos e liñas estratéxicas a seguir, e concluirá co deseño de plans de acción e produtos prioritarios.

O PP de Tui avoga polo consenso na rehabilitación do Teatro Principal

O Partido Popular de Tui vén de sinalar que a rehabilitación do Teatro Principal da cidade fronteiriza esixe "un acordo plenario que teña o apoio unánime do tódolos grupos municipais co fin de poñer en valor este símbolo da cultura tudense e desterrar a actual imaxe do edificio na paisaxe do noso Conxunto Histórico". A adquisición do Teatro Principal por parte do Concello de Tui mediante acordo unánime do pleno da corporación municipal á Fundación Teatro Principal, "implica que este inmoble pasa a ser de titularidade municipal e polo tanto unha responsabilidade de todos".

Suscribirse a este canal RSS