Tomiño

A Xunta elixe tomiño para pechar o programa “21 días co galego e +”

A Secretaría Xeral de Política Lingüística escolleu Tomiño para pechar a campaña “21 días co galego e +”, un programa impulsado pola Consellería de Cultura e Turismo, que ten como finalidade promover o uso do galego oral entre a xente nova, e no que participaron so catro institutos de ensino secundario de Galicia, entre eles, o de Tomiño.

Coral Regi, abre hoxe a Semana da Educación de Tomiño

A directora da Escola Virolai, Coral Regi, abre hoxe, no Auditorio de Goián, a cuarta Semana da Educación de Tomiño, que se alongará ata o vindeiro 7 de febreiro. A súa conferencia 'Xestión do cambio educativo-Máis aló das modas', abordará temas vencellados á transformación educativa e á innovación, ao liderazgo educativo e á xestión necesaria para conseguir unha maior calidade na educación.

Tomiño e Cerveira salientan o papel dun territorio común coma factor de atracción turística

Borrar a noción de fronteira entre Galiza e Portugal, ofrecendo o Territorio Río Miño coma un produto único, resultará estratéxico á hora de atraer turistas. Nesta idea base coincidiron tanto os alcaldes de Cerveira e Tomiño (Fernando Nogueira e Sandra González, respectivamente), coma o director da AECT Río Miño (Agrupación Europea de Cooperación Territorial do Río Miño), Uxío Benítez, durante a inauguración das xornadas “O turismo no contexto transfronteirizo Cerveira-Tomiño”, celebradas hoxe no Castelo de Vila Nova de Cerveira.

'Mil grullas pola paz' de Hiroshima a Goián

Os alumnos e alumnas do CEIP Pintor Antonio Fernández de Goián conseguiron encartar un total de 1.000 grullas de papel co obxectivo de pedir a PAZ no mundo homenaxeando así neste día a Sadako Sasaki, a nena de Hiroshima que morreu en 1955 sen conseguir encartalas. Durante máis dun mes alumnos, profesores e familias pasaron moitas horas entre papeis de cores co fin de conseguir o obxectivo de encartar esas 1.000 grullas e pedir así o desexo de que se acaben os conflitos violentos no mundo para que os seres humanos podamos vivir en paz.

Platero e... Severino

Severino Oliveira González, goianés de 84 anos, decidiu que sería bo contar cunha mascota que lle fixera compaña, sacala a pasear e estar entretido. Podería ter elixido calquera entre as moitas mascotas que hai por estes mundos adiante –comúns ou menos comúns e as veces ben estrañas– pero Severino optou por mercar un burro doméstico e, como non podería ser doutro xeito, tal e como sinala a súa familia, púxolle de nome 'Platero'.

'Deporte para todas as persoas' retoma as súas actividades conxuntas en Tomiño e Cerveira

A Eurocidade Cerveira-Tomiño reinicia este mes de febreiro as actividades do seu programa ‘Deporte para todas as persoas’, un programa de actividades deportivas gratuítas que se levan a cabo en equipamentos dos dous concellos ata final de ano e que inclúe tres variedades de actividades: piscina en familia, actividades para maiores de 55 anos e a práctica de diversas modalidades deportivas en parroquias de Tomiño e IPSS de Cerveira.

Suscribirse a este canal RSS