A Ruta do Viño Rías Baixas celebrará o domingo 21 de outubro, a terceira edición da BTT Ruta do Viño Rías Baixas, na que os organizadores esperan un novo éxito de convocatoria, con máis de 250 participantes. Esta terceira edición trasládase a O Rosal e foi presentada onte no Pazo de Mugartegui. A proba contará cun percorrido de de 45,5 quilómetros, discorrerá entre os concellos do Rosal e Tomiño e terá o seu punto de inicio e finalización na Praza do Concello do Rosal.

A Deputación de Pontevedra vén de aprobar, mediante resolucións provinciais, dúas novas axudas ao Concello do Rosal por un valor total de 30.337,26 euros ao abeiro do Plan Concellos 2018. Dentro destes investimentos, 25.285,21 euros irán destinados á mellora da senda peonil de pescadores e 5.052,05 á merca de equipamento de recollida selectiva de lixo.

José Penas, María Ferreiro, na proba de 21 quilómetros, Jesús Costas e Lorena González, na de 12 quilómetros, foron os gañadores do I Trail Adventure Muíños do Folón que se disputou no Rosal. A xornada deportiva, en que se incluíu unha ruta de sendeirismo, foi un éxito de participación, xa que foron un total de 500 os deportistas que tomaron parte en ambas as probas.